पुण्यातील प्रसिद्ध बांधकाम व्यावसायिक सूर्यकांत काकडे आणि त्यांच्या कुटुंबीयांविरोधात कोथरूड पोलिसांत गुन्हा दाखल करण्यात आलाय.
मुलगा व्हावा म्हणून सुनेचा जादूटोणा करून छळ केल्या प्रकरणी सुर्यकांत काकडे, सुर्यकांत काकडे कुटुंबीय आणि मांत्रिक कृष्णा गुरुजी यांच्यावर कोथरुड पोलीस ठाण्यात गुन्हा दाखल करण्यात आलाय.
पुण्यातील कोंढवा परिसरात राहणाऱ्या एका 24 वर्षीय महिलेने दिलेल्या तक्रारी वरून सूर्यकांत काकडे आणि त्यांच्या कुटुंबातील सदस्यांविरोधात गुन्हा दाखल करण्यात आलाय. या गुन्ह्यातील फिर्यादी महिलेला मुलं व्हावं म्हणून पीडित महिलेच्या बेडखाली तिचं नाव लिहिलेला मंत्र-तंत्र करून लिंबू ठेवण्यात आला. मांत्रिकानं मंतरून दिलेलं अस्वच्छ, बेचव, काळं पाणी पिण्यास तिला भाग पाडण्यात आलं.
सूर्यकांत काकडे यांच्या मुलाचं पहिलं लग्न झाल असताना पीडित आणि तिच्या कुटुंबीयांपासून पहिल्या लग्नाबद्दलची माहिती लपवून ठेवण्यात आली, असं पीडित महिलेने आपल्या तक्रारीत म्हटलं आहे. या प्रकरणाचा पुढील तपास कोथरूड पोलीस करत आहेत.